പ്ലാറ്റിനം ജൂബിലി ആഘോഷഉദ്ഘാടനം റവന്യൂ മന്ത്രി നിർവഹിച്ചു
പള്ളിക്കര:ഒരുവർഷംനീണ്ടുനിൽക്കുന്ന പള്ളിക്കര ഗവൺമെൻറ് വെൽഫെയർ എൽ പി സ്കൂൾ പ്ലാറ്റിനം ജൂബിലി ആഘോഷ ഉദ്‌ഘാടനം ശ്രീ:കുഞ്ഞിരാമൻ എം എൽ എ യുടെ അധ്യക്ഷതയിൽ ബഹുമാന്യനായ കേരള റവന്യൂ വകുപ്പുമന്ത്രി ശ്രീ:ഇ ചന്ദ്രശേഖരൻ ഉദ്‌ഘാടനം ചെയ്തു.സ്വാലിഹ് ഹാജി സ്മരണാർത്ഥം മകൻ ഡോക്ടർ സാജിദും കുടുംബവും സ്കൂളിന് നിർമിച്ചു നൽകിയ അസംബ്ലി ഹാളിന്റെ ഉദ്‌ഘാടനം ബഹുമാനപ്പെട്ട കാസറഗോഡ് ജില്ലാപഞ്ചായത്ത് പ്രസിഡണ്ട് ശ്രീ:എ ജി സി ബഷീർ നിർവഹിച്ചു.ജില്ലാ പഞ്ചായത്ത്,കാഞ്ഞങ്ങാട് ബ്ലോക്ക് പഞ്ചായത്ത്,പള്ളിക്കര ഗ്രാമപഞ്ചായത്ത് പ്രസിഡണ്ടുമാർ ,ജനപ്രതിനിധികൾ ,മറ്റുപ്രമുഖർ ചടങ്ങിൽ പങ്കെടുത്തു.രാവിലെ മുതൽ കുട്ടികളുടെയും പൂർവ വിദ്യാർത്ഥികളുടെയും വിവിധ കലാപരിപാടികൾ ഉണ്ടായിരുന്നു.നാട്ടുകാരും പൂർവ്വവിദ്യാർത്ഥികളും രക്ഷിതാക്കളുമടങ്ങുന്ന വൻജനാവലി പരിപാടി വീക്ഷിക്കാനെത്തിയത് സംഘാടക സമിതിയുടെയും പി ടി എ യുടെയും അധ്യാപകരുടെയും പ്രവർത്തനത്തിനുള്ള അംഗീകാരവും തുടർപ്രവർത്തനത്തിനുള്ള പ്രചോദനവുമായി.
